Empowering Asean Integration: Tungo sa Pagbabago

Isang makahulugang mensahe ang ipinabatid ni Dr. Bianito A. Dagatan, SDS Cebu City Division, sa kanyang talumpati kaninang umaga sa Albino D. Gothong Administration Hall na dinaluhan ng mga kalahok sa Collaborative Desktop Publishing mula sa ibat’ibang dibisyon sa Rehiyon 7.

Ipinaliwanag niya sa mga kalahok ang Republic Act 7079 o ang Campus Journalism Act na naglalayong mapabuti ang kasanayan sa pamamahayag at maitaguyod ang responsable at  malayang pamamahayag.

Binigyang diin din niya ang pagtaguyod sa malayang edukasyon kung saan walang pinipiling mayaman at mahirap, bata o matanda, pangit o maganda, basta lahat ng tao ang may karapatan sa edukasyon.

Mas lalong binigyang diin ni Dr. Dagatan sa kanyang mensahe ang gampanin ng isang mamamahayag sa pagpapalakas sa integrasyon ng ASEAN.

“Embracing ASEAN Integration is the proof that we have to embrace the development. We have to deal with many people not only in the Philippines but outside the Philippines,” sambit niya.

“As journalist you have to persuade others through your write-ups, commentaries, pictures and articles”.

Ipinaliwanag din niya na mahalaga ang komunikasyon. Kailangan malaman ng isang mamamahayag ang iba’t ibang kultura at gawi ng isang lugar. Sa ganitong paraan, mapalalakas aniya ang integrasyon ng ASEAN.

“We need to move forward, to embrace the change and it will show to the world that the Campus Journalist in the Philippines are sooner or later are the best professional journalists in the Philippine archipelago”, dagdag niya.

Ito ang kanyang huling binitawang mensahe na nagbigay inspirasyon sa mga kalahok.